Um okkur

Geoaxis ehf. veitir tækniþjónustu á sviði GPS/GNSS tækni, landmælinga og vélstýringar. Við tökum að okkur allt frá einföldum hæðarmælingum og útsetningum yfir í stærri og flóknari mælingaverkefni. Þjónustan nær meðal annars til almennra landmælinga, útsetninga, gerðar og mælinga fastmerkja, magnútreikninga og aðstoðar við breytingar á teikningum.
 

Tækniþjónusta Geoaxis sinnir einnig uppsetningu, stillingum og þjónustu á GPS/GNSS búnaði og aðstoð við notendur búnaðarins. Starfsmenn tækniþjónustunnar eru landmælingaverkfræðingar með víðtæka reynslu og sérþekkingu á landmælingum, GNSS búnaði og lausnum fyrir framkvæmdaverk.

Markmiðið er að veita viðskiptavinum eina tengingu fyrir búnað, uppsetningu, mælingar og tæknilega aðstoð – frá vali á lausn þar til búnaðurinn er kominn í notkun.